,,ადვოკატის ხმა” – ახალი ეტაპი ქართულ სამართლებრივ სივრცეში
ქართულ მედია-სივრცეში პირველად დაფუძნდა სპეციალიზებული საინფორმაციო-ანალიტიკური პორტალი ,,ადვოკატის ხმა”. ეს არ არის მხოლოდ მორიგი საინფორმაციო სააგენტო – ეს არის დამოუკიდებელი პლატფორმა, რომლის მიზანიც საზოგადოებასა და სამართალს შორის არსებული ბარიერების მოშლაა.
რატომ გახდა საჭირო ,,ადვოკატის ხმა” ?
თანამედროვე სამყაროში მოქალაქეები ყოველდღიურად აწყდებიან რთულ სამართლებრივ ლაბირინთებს.
ხშირად, კანონმდებლობის ბუნდოვანება და ინფორმაციული ვაკუუმი ადამიანებს დაუცველს ტოვებს საკუთარი უფლებების წინაშე. სწორედ ამ დეფიციტის შესავსებად შეიქმნა ,,ადვოკატის ხმა”, რომელიც ეფუძნება სამ მთავარ არგუმენტს :
1. კომპეტენცია და ნდობა : ადვოკატი არის უფლებადამცველი სისტემის წინა ხაზზე. მისი ხმა ყველაზე ობიექტურად ასახავს რეალურ პრობლემებს, შესაბამისად, ამ პლატფორმაზე გაჟღერებული პოზიციები საზოგადოების მხრიდან უპირობო ნდობით სარგებლობს.
2. სირთულის გამარტივება : ეს გუნდი ახდენს რთული იურიდიული ტერმინოლოგიის ,,თარგმნას” ხალხისთვის გასაგებ ენაზე, რაც ხელს უწყობს სამოქალაქო თვითშეგნების ამაღლებას.
3. ობიექტური მონიტორინგი : პორტალი უზრუნველყოფს მნიშვნელოვანი სასამართლო პროცესების მუდმივ გაშუქებასა და სიღრმისეულ ანალიზს ექსპერტებთან ერთად.
ლევან ჭიღლაძე – პროექტის გარანტი და ხედვა;
პლატფორმის დაფუძნება უკავშირდება ცნობილი ადვოკატის, ლევან ჭიღლაძის სახელს.
ბატონი ლევანი, საზოგადოებისთვის კარგად ნაცნობი სახეა – იგი არაერთხელ ყოფილა ,,GEO NEWS”-ის და სხვა წამყვანი მედიასაშუალებების რესპონდენტი, სადაც ყოველთვის გამოირჩეოდა პრინციპული პოზიციებითა და მაღალი პროფესიონალიზმით.
ლევან ჭიღლაძის გამოცდილებამ და სისტემური ხარვეზების სიღრმისეულმა ცოდნამ განაპირობა პორტალის მთავარი მისია : გააღოს ყველა სახელმწიფო თუ საერთაშორისო კარი სამართლის მაძიებელთათვის.
მისი ხელმძღვანელობით, ,,ადვოკატის ხმა” ხდება ხიდი, რომელიც აკავშირებს პროფესიულ წრეებსა და რიგით მოქალაქეებს.
რას სთავაზობს პორტალი მკითხველს ?
ლევან ჭიღლაძე : ,,ანალიტიკური რეპორტაჟები : კვირიდან კვირამდე ქვეყანაში მიმდინარე საკვანძო სამართლებრივი პროცესების მიმოხილვა.
ადვოკატთა ინსტიტუტის მხარდაჭერა : მჭიდრო თანამშრომლობა ადვოკატთა ასოციაციის ახალ ხელმძღვანელობასთან და კორპორაციული ინტერესების დაცვა.
უცნობი გმირების გაცნობა : იმ უფლებადამცველებისა და ადვოკატების საქმიანობის წარმოჩენა, რომლებიც ჩრდილში იმყოფებიან, თუმცა უდიდესი წვლილი შეაქვთ ქართული თუ საერთაშორისო მართლმსაჯულების განვითარებაში”.
როგორც ხედავთ, ,,ადვოკატის ხმა” არ არის მხოლოდ მედია – ეს არის სამართლიანობის მოპოვების რეალური ინსტრუმენტი.
ლევან ჭიღლაძე : ,,შემოგვიერთდით, მხარი დაუჭირეთ ,,ადვოკატის ხმას” და ერთად ვიპოვოთ გზა სიმართლისკენ ” !
ირაკლი კერესელიძე
,,GEO NEWS”
