- By Keti Khomeriki
- In პოლიტიკა
აქციის მონაწილეებმა ღამე თბილისის სახელმწიფო უნივერსიტეტის პირველი კორპუსის მიმდებარედ გაშლილ კარვებში გაათენეს
ჭავჭავაძის გამზირი ამ წუთებში – რადიკალურმა ოპოზიციონერმა პოლიტიკოსებმა აქციის მონაწილეებთან ერთად ღამე თბილისის სახელმწიფო უნივერსიტეტის პირველი კორპუსის მიმდებარედ გაშლილ კარვებში გაათენეს.
ადგილზე 20-ზე მეტი კარავი იყო გაშლილი, რის გამოც გადაადგილება ამ დრომდე შეფერხებულია რამდენიმე მიმართულებით: მელიქიშვილის გამზირი, ვარაზისხევი, კეკელიძის ქუჩა და ჭავჭავაძის გამზირი.
მოძრაობა „დაფიონის“ წევრებმა ადგილზე მიიტანეს სხვადასხვა ნივთი, სამშენებლო მასალები და ტომრებით გზის ბლოკირება დაიწყეს. როგორც ისინი აცხადებენ, მათი პროტესტის გამოხატვის ეს ფორმა კონსტიტუციურია. მათი თქმით, გზის გახსნას არ აპირებენ.
ამასთან, თსუ-სთან იმყოფებიან ოპოზიციური პარტიების ლიდერები. კერძოდ, „ერთიანობა-ნაციონალური მოძრაობისა“ და „კოალიცია ცვლილებისთვის“ ლიდერები. ადგილზე არ მისულან „გახარია საქართველოსთვის“ და „ძლიერი საქართველოს“ პარტიის ლიდერები. როგორც პარტია „გახარია საქართველოსთვის“ განმარტეს, პროტესტს უერთდებიან, თუმცა კარვების გაშლაში მონაწილეობას არ მიიღებენ.
მოამზადა ირაკლი გუნიამ
