- By Keti Khomeriki
- In მსოფლიო
აშშ-ის თავდაცვის მდივანი თანამშრომლებს ჩარლი კირკის მკვლელობასთან დაკავშირებით დამცინავი პოსტების შესახებ აფრთხილებს
აშშ-ის თავდაცვის მდივანი, პიტ ჰეგსეტი თანამშრომლებს ჩარლი კირკის მკვლელობასთან დაკავშირებით დამცინავი პოსტების შესახებ აფრთხილებს.
ჰეგსეტის განცხადებით, სამხედრო პერსონალის მხრიდან ასეთი ფაქტის აღნიშვნა ან დაცინვა მიუღებელია.
„ომის დეპარტამენტი ამის მიმართ ნულოვან ტოლერანტობას იჩენს. ჩვენ ამ ყველაფერს ძალიან ყურადღებით ვაკვირდებით და დაუყოვნებლივ განვიხილავთ. ეს სრულიად მიუღებელია“, – აცხადებს აშშ-ის თავდაცვის მდივანი.
კონსერვატორი კომენტატორი ჩარლი კირკი, რომელსაც იუტა ველის უნივერსიტეტის ღონისძიებაზე ესროლეს, დაიღუპა. გავრცელებული ცნობით, კირკი პრეზენტაციას ატარებდა, როცა ესროლეს, იგი საავადმყოფოში გადაიყვანეს, სადაც მისი გადარჩენა ვერ მოხერხდა. კირკი, რომელიც დონალდ ტრამპის მოკავშირედ მიიჩნეოდა, კონსერვატიული სტუდენტური მოძრაობის ხელმძღვანელი იყო.
