- By Keti Khomeriki
- In მსოფლიო
აშშ-ის კონგრესის დემოკრატიული პარტიის წევრებმა USAID-ის შენობებთან აქციები გამართეს
აშშ-ის კონგრესის დემოკრატიული პარტიის წევრებმა USAID-ის შენობებთან აქციები გამართეს.
სენატისა და წარმომადგენელთა პალატის დემოკრატთა ჯგუფს არ მიეცა უფლება, შესულიყვნენ USAID-ის შენობაში.
„ჰილის“ ინფორმაციით, დემოკრატმა კანონმდებლებმა, რომლებიც ეწინააღმდეგებიან პრეზიდენტ დონალდ ტრამპის პოლიტიკას სააგენტოს დახურვის შესახებ, ტერიტორია ინციდენტების გარეშე დატოვეს.
ჯგუფს, რომელსაც სენატორი კრის ვან ჰოლენი ხელმძღვანელობდა, განუცხადეს, რომ USAID-ის ადმინისტრატორის ოფისი არ იყო ხელმისაწვდომი შეხვედრისთვის. ვან ჰოლენმა აღნიშნა, რომ კანონმდებლები მუშაობენ საქმის იურიდიულ წარმოებაზე, რათა შეაჩერონ ტრამპის ადმინისტრაცია და ილონ მასკის მთავრობის ეფექტურობის დეპარტამენტი, რომ არ გააუქმონ USAID-ი.
„ის, რაც ტრამპმა და მასკმა გააკეთეს, არამხოლოდ არასწორია, ეს უკანონოა. USAID-ი დაარსდა კონგრესის აქტით და მისი დაშლა შესაძლებელია მხოლოდ კონგრესის აქტით“, – განაცხადა დემოკრატმა დონ ბეიერმა.
