- By Keti Khomeriki
- In მსოფლიო
აშშ-ის კონგრესის სტრატეგიული კომუნიკაციების კომისიის მოხსენების მიხედვით, აშშ უნდა მოემზადოს რუსეთთან და ჩინეთთან შესაძლო ერთდროული ომისთვის, დაიწყოს ბირთვული იარაღის მოდერნიზაცია
მერიკის შეერთებული შტატები უნდა მოემზადოს რუსეთთან და ჩინეთთან შესაძლო ერთდროული ომისთვის. ამის შესახებ აშშ-ის კონგრესის სტრატეგიული კომუნიკაციების კომისიის მოხსენებაში ნათქვამი.
როგორც მოხსენებაში წერია, აშშ-მა უნდა გააფართოოს ალიანსები და დაიწყოს ბირთვული იარაღის მოდერნიზაცია.
არსებობს თუ არა ჩინეთსა და რუსეთს შორის რაიმე სახის თანამშრომლობა ბირთვული იარაღის გამოყენებაზე, ამის შესახებ მოხსენებაში მაღალჩინოსანი კონკრეტული განცხადების გაკეთებაზე უარს ამბობს.
„ჩვენ ვწუხვართ. შესაძლოა, იყოს მათ შორის საბოლოო კოორდინაცია, რომელიც მიგვიყვანს ამ ორი ომის კონსტრუქციამდე“, – განაცხადა მაღალჩინოსანმა.
ამასთან, გადამდგარმა რესპუბლიკელმა სენატორმა, ჯონ კილიმ აღნიშნა, რომ პრეზიდენტმა და კონგრესმა ამერიკელ ხალხს უნდა მიმართონ, რომ მეტი თავდაცვის ხარჯი არის მცირე ფასი აშშ-ის, ჩინეთსა და რუსეთს შორის შესაძლო ბირთვული ომის თავიდან ასაცილებლად.
მოხსენება ეწინააღმდეგება აშშ-ის პრეზიდენტის, ჯო ბაიდენის პოზიციას, რომ აშშ-ის ამჟამინდელი ბირთვული არსენალი საკმარისია რუსეთისა და ჩინეთის გაერთიანებული ძალების შესაჩერებლად.
„აშშ და მისი მოკავშირეები მზად უნდა იყვნენ ორივე მოწინააღმდეგის ერთდროულად შეკავებისა და დამარცხებისთვის. აშშ-ის ხელმძღვანელობით საერთაშორისო წესრიგი და მის მიერ დაცული ფასეულობები საფრთხეშია ჩინეთისა და რუსეთის ავტორიტარული რეჟიმებისგან. ჩინეთისა და რუსეთის საფრთხეები მწვავე გახდება 2027-2035 ვადებში, ამიტომ გადაწყვეტილებები უნდა იქნეს მიღებული, რათა ერი მოემზადოს ამისთვის“, – ნათქვამია მოხსენებაში.
კონგრესმა 2022 წელს შექმნა პანელი ექვსი დემოკრატისაგან და ექვსი რესპუბლიკელისაგან, რათა შეაფასოს შეერთებული შტატების გრძელვადიანი საფრთხეები და რეკომენდაცია გაუწიოს აშშ-ის ჩვეულებრივ და ბირთვულ ძალებში ცვლილებების შეტანას.
