- By Keti Khomeriki
- In მსოფლიო
აშშ-ის სენატმა მიიღო რეზოლუცია, რომლითაც ადასტურებს ისრაელის მხარდაჭერას, თავდაცვის უფლებას და ჰგმობს „ჰამასის“ თავდასხმებს მშვიდობიან მოსახლეობაზე
აშშ-ის სენატმა მიიღო რეზოლუცია, რომლითაც ადასტურებს ისრაელის მხარდაჭერას, თავდაცვის უფლებას და ჰგმობს „ჰამასის“ თავდასხმებს მშვიდობიან მოსახლეობაზე.
რეზოლუცია ასევე „გმობს ირანის მხარდაჭერას გლობალური ტერორიზმისადმი, მათ შორის ტერორისტული ჯგუფების მხარდაჭერას, როგორიცაა „ჰამასი“ და პალესტინის „ისლამური ჯიჰადი“.
ამასთან აღნიშნავს, რომ აშშ მზადაა, დაეხმაროს ისრაელს საგანგებო მომარაგებაში ან უსაფრთხოების, დიპლომატიური თუ დაზვერვის კუთხით საჭიროებებში.
კენჭისყრის წინ სენატის უმრავლესობის ლიდერმა, ჩაკ შუმერმა აღნიშნა: „ჩვენ მტკიცედ ვუჭერთ მხარს ისრაელს და მის უფლებას, დაიცვას საკუთარი თავი, ვგმობთ ტერორისტული ჯგუფის, „ჰამასის“ ამაზრზენ, მანკიერ თავდასხმებს“.
