- By Keti Khomeriki
- In მსოფლიო
ბენიამინ ნეთანიაჰუ – ვანადგურებთ ასობით რაკეტასა და იარაღს, რომელიც ისრაელისა და ისრაელელი მოქალაქეებისკენ არის მომართული
ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელის თავდაცვის ძალები მოქმედებენ „ჩრდილოეთით ძალთა ბალანსის შესაცვლელად“ ჰეზბოლას რაკეტების განადგურებით.
ნეთანიაჰუმ აღნიშნულის შესახებ თელ ავივში, კირიას სამხედრო შტაბის სამეთაურო ოთახში განაცხადა.
„მინდა, განვმარტო მათ გასაგონად, ვინც ჯერ ვერ მიხვდა – ჩვენ არ ველოდებით საფრთხეს, ჩვენ მას წინასწარ აღვკვეთთ, ნებისმიერ დროს და ადგილას. ვინც შეეცდება ზიანი მოგვაყენოს, უფრო მეტად დაზიანდება. პირობა დავდე, რომ შევცვლიდით უსაფრთხოების ბალანსს, ძალთა ბალანსს ჩრდილოეთით. სწორედ ამას ვაკეთებთ ახლა. ვანადგურებთ ასობით რაკეტას და იარაღს, რომლებიც ისრაელის და ისრაელელი მოქალაქეებისკენაა მომართული“, – განაცხადა ნეთანიაჰუმ.
