- By Keti Khomeriki
- In მსოფლიო
ბენიამინ ნეთანიაჰუ – ჩვენ არ ვიბრძვით მხოლოდ ჩვენს ომში, ჩვენ ვიბრძვით ბარბაროსობის წინააღმდეგ, თუ ცივილიზაცია არ გაიმარჯვებს, ბარბაროსობა გაიმარჯვებს
ისრაელის პრემიერ-მინისტრი ბენიამინ ნეთანიაჰუ ბულგარელ კოლეგას, ნიკოლაი დენკოვს შეხვდა. შეხვედრის შემდეგ ნეთანიაჰუმ აღნიშნა, რომ შუა აღმოსავლეთში განვითარებული მოვლენები მთელი მსოფლიოს მომავალს ეხება.
„ვფიქრობთ, რომ ჩვენ არ ვიბრძვით მხოლოდ ჩვენს ომში, ჩვენ ვფიქრობთ, რომ ვიბრძვით ცივილიზაციის ბრძოლაში ბარბაროსობის წინააღმდეგ. თუ ცივილიზაცია არ გაიმარჯვებს, ბარბაროსობა გაიმარჯვებს“, – აღნიშნა ისრაელის პრემიერ-მინისტრმა.
ნეთანიაჰუს თქმით, ისრაელი ყველაფერს აკეთებს მშვიდობიანი მოსახლეობის მსხვერპლის შესამცირებლად, ხოლო „ჰამასი“ ყველაფერს აკეთებს, რომ მათ ზიანი მიაყენოს.
„ჩვენ ასევე ვებრძვით მტერს, რომელიც არის ყველაზე სასტიკი მტერი, რომელიც გვინახავს ჰოლოკოსტის შემდეგ და რომელიც ჩადის ორმაგ სამხედრო დანაშაულს: არა მხოლოდ განზრახ სამიზნეში იღებს მშვიდობიან მოსახლეობას, არამედ განზრახ იყენებს თავის მშვიდობიან მოსახლეობას ადამიანურ ფარად“, – აღნიშნა ნეთანიაჰუმ.
თავის მხრივ, ბულგარეთის პრემიერ-მინისტრმა, ნიკოლაი დენკოვმა გამოხატა მხარდაჭერა ისრაელისა და მისი მოქალაქეების მიმართ.
„ჩვენ ვიცით, რომ თქვენ გაქვთ ყველანაირი უფლება, დაიცვათ თავი ჰუმანიტარული საერთაშორისო სამართლისა და საერთაშორისო სამართლის ფარგლებში, მაგრამ ასევე მნიშვნელოვანია ჰუმანიტარული დახმარების გაწევა“, – განაცხადა დენკოვმა.
