- By Keti Khomeriki
- In პოლიტიკა
ბიუროს სხდომაზე „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის“ შემსწავლელ საგამოძიებო კომისიაში კვოტების საკითხს მხარი დაუჭირეს
პარლამენტის ბიუროს სხდომაზე საპროცედურო საკითხთა და წესების კომიტეტის მიერ მომზადებულ დასკვნას „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის“ შემსწავლელ პარლამენტის დროებით საგამოძიებო კომისიაში წევრთა რაოდენობისა და კვოტების შესახებ მხარი დაუჭირეს.
დასკვნის მიხედვით, კომისიაში „ქართულ ოცნება“ ხუთი წევრით იქნება წარმოდგენილი, ორი წევრი ეყოლება „ხალხის ძალას“, ერთი – ახლადშექმნილ პოლიტიკურ ჯგუფს, „ევროპელი სოციალისტებს“. ორი წევრი კი დარჩებათ უფრაქციო პარლამენტის წევრებს, ოპოზიციურ ფლანგს, რომელიც ჯერ პარლამენტში არ არის შესული.
მანამდე აღნიშნულ საკითხს მხარი საპროცედურო საკითხთა და წესების კომიტეტმა დაუჭირა.
