გარე ძალებიდან მართული ზურაბიშვილის გეგმა მარცხისთვისაა განწირული ?
რისთვის ემზადება პრეზიდენტი ? რომლის პოლიტიკური გეგმაც მარცხისთვისაა განწირული.
სალომე ზურაბიშვილი, რომელმაც ქვეყნის მთავარი კანონი დაარღვია და კონსტიტუციური ჩარჩოებიდან გავიდა პოლიტიკურ ველზე ანტისახელმწიფოებრივი ქმედებებით სულ უფრო აქტიურდება.
საქართველოს გარე ძალებიდან მართული პრეზიდენტი კოლექტიურ ,,ნაცმოძრაობასთან” კონსულტაციებს მართავს. ვინ იქნება კოალიციური მთავრობის მეთაური, სწორედ ამას განიხილავენ გაერთიანებული რადიკალები ორბელიანების სასახლეში.
ზურაბიშვილი უკვე შეხვდა მის ,,ქართულ ქარტიაზე” ხელმომწერ პოლიტიკურ ლიდერებს. უცნობია რა მიზანს შეიძლება ემსახურებოდეს ამ ქარტიით გათვალისწინებული ტექნიკური მთავრობისა და დროებითი პარლამენტის შექმნა, მაშინ როცა ქვეყანა 26 ოქტომბერს დემოკრატიულ და გამჭირვალე არჩევნებს ატარებს და ეს იმ ფონზე, როცა არჩევნები ელექტრონული მოდელით ტარდება და გაყალბება პრაქტიკულად შეუძლებელია. თუმცა რადიკალებმა მოსალოდნელი მარცხის შესახებ კარგად იციან და მსგავსი მცდელობებით სურთ ქვეყნის სათავეში მოსვლა. სახელისუფლებო გუნდი კი, დარწმუნებულია, რომ პრეზიდენტისა და რადიკალების გეგმა მარცხისთვის განწირულია.
,,ქართული ოცნება” პრეზიდენტს კვლავ იმას ახსენებს, რომ მან საქართველოს კონსტიტუცია დაარღვია.
ირაკლი გუნია
