- By Keti Khomeriki
- In მსოფლიო
გერმანიის თავდაცვის მინისტრი – აშშ-ის მომდევნო პრეზიდენტად დონალდ ტრამპის არჩევა ევროპისთვის კატასტროფული იქნება
აშშ-ის მომდევნო პრეზიდენტად დონალდ ტრამპის არჩევა ევროპისთვის კატასტროფული იქნება, – ამის შესახებ გერმანიის თავდაცვის მინისტრმა, ბორის პისტორიუსმა ბერლინის საგარეო პოლიტიკის ფორუმზე განაცხადა.
გერმანიის თავდაცვის უწყების ხელმძღვანელის თქმით, თუ აშშ-ის მოქმედი პრეზიდენტი ჯო ბაიდენი ხელახლა აირჩევა, ეს „ბევრად უკეთესი“ იქნება, თუმცა, ბაიდენის დროსაც კი, „განჭვრეტადია, რომ შეერთებული შტატები ყურადღებას გადაიტანს უფრო მეტად ინდო-წყნარი ოკეანისკენ“.
„ამას თუ გააკეთებენ, ალბათ ვერ შეძლებენ ევროპაში ჩართულობის იმავე დონის შენარჩუნებას. ეს ნიშნავს, რომ ევროპელებს ნატო-ს ფარგლებში მეტი პასუხისმგებლობის აღება მოუწევთ“, – განაცხადა ბორის პისტორიუსმა.
რაც შეეხება ევროპელებს შორის შეიარაღების სფეროში თანამშრომლობას, პისტორიუსმა აღნიშნა, რომ ეს ასევე ორიენტირებული უნდა იყოს თავსებადი სისტემების შექმნაზე.
