- By Keti Khomeriki
- In პოლიტიკა
გია ვოლსკი – პატრიარქის ეპისტოლეში სწორი აქცენტებია, დეზინფორმაცია, რომელმაც წალეკა მედიასაშუალებების გარკვეული ნაწილი, არის სწორედ ის, რაც ხელს უშლის საზოგადოების სიმშვიდეს
საქართველოს კათოლიკოს-პატრიარქის ეპისტოლე საკაცობრიო ფასეულობებს ქადაგებს, როგორებიცაა სიყვარული, ურთიერთგაგება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
მისივე თქმით, ეპისტოლეს მთავარია ხაზია, რომ მსოფლიოში არსებულ ურთულეს ვითარებაში ადამიანებმა ერთმანეთთან საუბრის გზა უნდა გამონახონ.
„პოლიტიკური თვალსაზრისითაც შეგვიძლია გავაანალიზოთ და სწორი აქცენტებია გაკეთებული. დეზინფორმაცია, რომელმაც წალეკა მედიასაშუალებების გარკვეული ნაწილი – ეს არის სწორედ ის, რაც ხელს უშლის საზოგადოების სიმშვიდეს“, – განაცხადა გია ვოლსკიმ.
სრულიად საქართველოს კათოლიკოს-პატრიარქის, ილია მეორის საშობაო ეპისტოლეშია ნათქვამია, რომ სიტყვის თავისუფლების ბოროტად გამოყენება ერთ-ერთი ურთულესი გამოცდაა, რომელსაც წარმატებით მხოლოდ ის დაძლევს, ვინც შეძლებს სიმართლის გზით უფლისკენ სვლას, პატიებას.
