- By Keti Khomeriki
- In პოლიტიკა
გია ვოლსკი – საქართველოში ჩამოყალიბებული მართვის სისტემა აღიარებულია ყველა საერთაშორისო კომპეტენტური ორგანიზაციის მიერ, მისი შემქმნელები სანქციების ქვეშ მოხვედრას არ იმსახურებენ
მართვის სისტემა, რომელიც საქართველოში ჩამოყალიბდა, აღიარებულია ყველა საერთაშორისო კომპეტენტური ორგანიზაციის მიერ და ამ მართვის სისტემის შემქმნელები არანაირად არ იმსახურებენ, მოხვდნენ სანქციების ქვეშ, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.
მისი თქმით, საქართველო არცერთი მაჩვენებლით არ ჩამორჩება ძალიან ბევრი ევროპული ქვეყნის მართვის სტანდარტს.
„მესმის, რომ საინტერესოა, სანქციების თემა არჩევნების წინ მუდმივად დღის წესრიგში იყოს. ჩვენ არცერთი მაჩვენებლით არ ჩამოვრჩებით ძალიან ბევრი ევროპული ქვეყნის მართვის სტანდარტს – დაწყებული კორუფციის მაჩვენებლის საკითხით, დასრულებული ადამიანის უფლებების დაცვის საკითხებით. მართვის სისტემა, რომელიც საქართველოში ჩამოყალიბდა, აღიარებულია ყველა საერთაშორისო კომპეტენტური ორგანიზაციის მიერ და ამ მართვის სისტემის შემქმნელები არანაირად არ იმსახურებენ, მოხვდნენ სანქციების ქვეშ“, – განაცხადა ვოლსკიმ.
