- By Keti Khomeriki
- In პოლიტიკა
გურამ მაჭარაშვილი – უცხო სახელმწიფოს ზოგიერთი საელჩო რომ აფინანსებს რადიკალურ ოპოზიციას, ენჯეოსექტორს, ეს არის მტკიცებულება, რომ დაინტერესებულები არიან რადიკალური პროცესებით
ის, რომ უცხო სახელმწიფოს ზოგიერთი საელჩო აფინანსებს რადიკალურ ოპოზიციას და ასევე ენჯეოსექტორს წინასაარჩევნოდ, ეს არის პირდაპირი მტკიცებულება იმასთან დაკავშირებით, რომ ისინი არიან დაინტერესებულები რადიკალური ოპოზიციის მიერ რადიკალურ პროცესებში, – ამის შესახებ „ხალხის ძალის“ აღმასრულებელმა მდივანმა, გურამ მაჭარაშვილმა განაცხადა.
მისი თქმით, აღნიშნული სახელმწიფოების მხრიდან არჩევნებზე და არჩევნების შემდეგ განცხადებები ვერ გაკეთდება, რადგან არავინ დაიჯერებს, რომ ისინი არიან ობიექტური შემფასებლები.
„როდესაც წინასაარჩევნოდ აფინანსებ კონკრეტულ პოლიტიკურ პარტიას და ენჯეოსექტორს, რომელიც ასევე არის პოლიტიკური ოპოზიცია, რა თქმა უნდა, შენ ობიექტური ვეღარ იქნები არჩევნების შემდეგ შეფასებისას. გამომდინარე აქედან, ბუნებრივად, ჩვენ ვეუბნებით საზოგადოებას, რომ დავიმახსოვროთ ეს ორგანიზაციები, დონორი ორგანიზაციები და საელჩოები, ქვეყნები. მათი განცხადებები იქნება უკვე ნულოვანი ნდობის ხარისხით აღჭურვილი ქართველი ხალხის თვალში“, – განაცხადა მაჭარაშვილმა.
