დასავლეთი ,,ქართული ოცნების” ხელისუფლების კრიტიკას განაგრძობს
საქართველოში 26 ოქტომბერს ჩატარებული არჩევნები კვლავ საერთაშორისო საზოგადოების განხილვის დღის წესრიგში რჩება. რადიკალების მიერ ამჯერადაც შეცდომაში შეყვანილი დასავლეთი ,,ქართული ოცნების” ხელისუფლებას აკრიტიკებს. სწორედ მსგავსი ნაბიჯებით ცდილობენ უსამშობლოები ქვეყნის რეპუტაცია დააზიანონ.
ემანუელ მაკრონი, ოლაფ შოლცი და დონალ ტუსკი ერთობლივ განცხადებას ავრცელებენ, სადაც ხელისუფლებას არჩევნებზე ყველა დარღვევისა და საჩივრის გამოძიებისკენ მოუწოდებენ.
ერთობლივ განცხადებაში წერია, რომ საქართველო უნდა დაბრუნდეს ევროპულ გზაზე.
აქვე, სამი ქვეყნის მაღალი თანამდებობის პირი კვლავ, განაგრძობს საქართველოს შიდა პოლიტიკურ საქმეებში ჩარევას და მმართველ პარტიას ბოლო დროს მიღებული კანონების გაწვევისკენ მოუწოდებს.
აღნიშნული ერთობლივი განცხადება სოციალურ ქსელში გერმანიის ელჩმა პიტერ ფიშერმა გაავრცელა, თუმცა განცხადებაში არ არის ნათქვამი საქართველოს პროკურატურაში არჩევნების სავარაუდო, გაყალბების საქმეზე უკვე დაწყებული გამოძიება, რომელთანაც ბრალდების მთავარი ადრესატები არ თანამშრომლობენ.
ირაკლი გუნია
