დემურ გიორხელიძე მოსახლეობას დამდეგ შობა-ახალ წელს ულოცავს და მხნეობას, გამძლეობას და შემართებას უსურვებს !
,,GEO NEWS” წარმოგიდგენთ ჩვენი რესპონდენტებისა და საქართველოს გამორჩეული პერსონების საახალწლო მილოცვებს :
პროფესორი, ანალიტიკოსი – დემურ გიორხელიძე :
დამდეგ შობა-ახალ წელს ვულოცავ ქართველ ხალხს, ყველა ღირსეულ ადამიანს, ჩვენი მოქალაქე ვინც კი არის და საერთოდ ყველა წესიერ და პატრიოტ ადამიანს.
ურთულეს მდგომარეობაში ვართ, კრიზისია.
მხნეობას, გამძლეობას და შემართებას გისურვებთ. ასევე, გისურვებთ საკუთარი თავის ნდობას, რადგან სხვისმა მოიმედეობამ, სადამდეც მიგვიყვანა კი ხედავთ. თქვენი წარსულიდან, თქვენი კულტურიდან, თქვენი წინაპრებიდან მიღებულის გაძლიერებას გისურვებთ. იმის შეგრძნებას, რაც, სამწუხაროდ, არ იყო მთელი ეს წლები, რომ ეს ჩვენი ქვეყანაა, ეს თქვენი ქვეყანაა და ამ ქვეყანას შეიძლება მხოლოდ მისმა პატრონებმა მოუარონ. ამიტომაც, ყველაფერი იმაზეა დამოკიდებული, თუ როგორ მივხედავთ ჩვენს სამშობლოს.
ახალი წელი ძალიან რთული იქნება და, იმისდა მიხედვით, თუ როგორ გადალახავს ამ სირთულეებს ჩვენი სამშობლო, გამოიკვეთება ჩვენი ბედისწერაც.
მოამზადა – ირაკლი გიორგაძემ
,,GEO NEWS”
