- By Keti Khomeriki
- In მსოფლიო
დიმიტრი პესკოვი – რუსეთი არ ფიქრობს, რომ უკრაინის საკითხზე სამშვიდობო მოლაპარაკებები ჩიხში შევიდა
რუსეთი არ ფიქრობს, რომ უკრაინის საკითხზე სამშვიდობო მოლაპარაკებები ჩიხში შევიდა, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.
„როიტერის“ კითხვაზე, შეჩერდა თუ არა უკრაინის სამშვიდობო პროცესი ტრამპის განცხადებებისა და იარაღის მიწოდების განახლების გამო, კრემლის პრესსპიკერმა დიმიტრი პესკოვმა განაცხადა: „არა, ასე არ ვფიქრობ. ამის თქმა არ შეიძლება“.
პესკოვის თქმით, რუსეთი კიევისგან ელოდება სიგნალს, შეუერთდება თუ არა მოლაპარაკებების მესამე რაუნდს, რომელიც პირველად მაისში, სტამბოლში დაიწყო.
„ჩვენ არაერთხელ განგვიცხადებია, რომ სასურველი იქნებოდა მიზნების მშვიდობიანი პოლიტიკური და დიპლომატიური გზებით მიღწევა, მაგრამ ვიდრე ეს არ მოხდება, სპეციალური სამხედრო ოპერაცია გრძელდება, რეალობა კი ადგილზე ყოველდღიურად იცვლება“, – განაცხადა პესკოვმა.
