- By Keti Khomeriki
- In მსოფლიო
დიმიტრი პესკოვი – რუსეთსა და ნატო-ს შორის ურთიერთობები პირდაპირი კონფრონტაციის დონეზეა
რუსეთსა და ნატო-ს შორის ურთიერთობები პირდაპირი კონფრონტაციის დონეზეა. ამის შესახებ ჟურნალისტებს რუსეთის პრეზიდენტის პრესმდივანმა, დიმიტრი პესკოვმა განუცხადა.
„ფაქტობრივად, ეს ურთიერთობები ახლა პირდაპირი კონფრონტაციის დონემდე დავიდა. ნამდვილად, ნატო-ს ქვეყნები, თავად ალიანსი უკვე ჩართულია კონფლიქტში უკრაინის გარშემო. ნატო განაგრძობს ჩვენი საზღვრების მიმართულებით სვლას, თავისი სამხედრო ინფრასტრუქტურის გაფართოებას“, – განაცხადა პესკოვმა.
კრემლის წარმომადგენლის თქმით, ნატო ევროპულ კონტინენტზე დესტაბილიზაციური ფაქტორია, რომელიც ხელს არ უწყობს უსაფრთხოებას.
