- By Keti Khomeriki
- In მსოფლიო
დონალდ ტრამპი აცხადებს, რომ უკრაინასა და რუსეთს შორის სამშვიდობო შეთანხმების მიღწევაში დახმარებას კვლავ განაგრძობს
აშშ-ის პრეზიდენტმა, დონალდ ტრამპმა განაცხადა, რომ უკრაინასა და რუსეთს შორის სამშვიდობო შეთანხმების მიღწევაში დახმარებას კვლავ განაგრძობს. ამის შესახებ ტრამპმა CBS News-თან ინტერვიუში ისაუბრა.
მისივე თქმით, ყურადღებით აკვირდება ზელენსკისა და პუტინის ქცევას ამ მომენტში.
„მე ვფიქრობ, რომ ყველაფერს მოვაგვარებთ. გულწრფელად რომ ვთქვა, ვფიქრობდი, რომ რუსეთთან დაკავშირებით პრობლემა ადვილი იქნებოდა იმათგან, რომლებთანაც აქამდე შეხება მქონია. როგორც ჩანს, სხვებთან შედარებით რთული აღმოჩნდა“, – აღნიშნა ტრამპმა.
როგორც ტრამპმა განმარტა, მას აქვს საკუთარი მიდგომა საერთაშორისო კონფლიქტების მოგვარებასთან დაკავშირებით. ტრამპის თქმით, ეს გულისხმობს ლიდერების ერთ ოთახში შეკრებას და მათგან შეთანხმების ადგილზევე დადების მოთხოვნას რეალურ დროში.
დონალდ ტრამპის თქმით, ამ პროცესს თავადვე ხელმძღვანელობს და არ ტოვებს მოლაპარაკებებს, ვიდრე კონკრეტული შედეგი არ მიიღწევა. აშშ-ის პრეზიდენტის აზრით, ეს მეთოდი მოითხოვს მოთმინებას, მაგრამ ძალიან ეფექტურია.
