- By Keti Khomeriki
- In მსოფლიო
დონალდ ტრამპი – ვოლოდიმირ ზელენსკი ისტორიაში საუკეთესო ვაჭარია, მას ძალიან სურს, არჩევნებში კამალა ჰარისმა გაიმარჯვოს
ვოლოდიმირ ზელენსკი ისტორიაში საუკეთესო ვაჭარია, – ამის შესახებ აშშ-ის პრეზიდენტობის კანდიდატმა, დონალდ ტრამპმა პენსილვანიაში ამომრჩეველთან შეხვედრაზე განაცხადა.
„ზელენსკი საუკეთესო ვაჭარია ისტორიაში. ყოველ ჯერზე, როცა ის ქვეყანაში შემოდის, 60 მილიარდი დოლარით მიდის“,- თქვა ტრამპმა.
პრეზიდენტობის კანდიდატმა ასევე აღნიშნა ისიც, რომ ზელენსკის სურს 2024 წლის საპრეზიდენტო არჩევნებში კამალა ჰარისმა გაიმარჯვოს.
„მას ძალიან სურს, რომ დემოკრატებმა გაიმარჯვონ“,- განაცხადა ტრამპმა.
ამომრჩევლებთან შეხვედრაზე ტრამპმა აღნიშნა ისიც, რომ ერთხელ მან რუსეთის პრეზიდენტ ვლადიმერ პუტინსა და ჩინეთის პრეზიდენტ სი ძინპინს გადააფიქრებინა უკრაინასა და ტაივანზე თავდასხმა.
„ეს არასოდეს უნდა მომხდარიყო. ეს არ მოხდებოდა ჩემი პრეზიდენტობის შემთხვევაში. რადიკალური მემარცხენე გიჟი დემოკრატებიც კი ამბობენ, რომ ტრამპის პრეზიდენტობის შემთხვევაში, ეს არ მოხდებოდა“,- თქვა ტრამპმა.
