- By Keti Khomeriki
- In მსოფლიო
დონალდ ტრამპი – ირანს შეერთებულ შტატებთან შეთანხმება სურს, რამდენჯერმე დარეკეს, საუბარი უნდათ
აშშ-ის პრეზიდენტის, დონალდ ტრამპის განცხადებით, ირანი დაინტერესებულია, დიპლომატიური გზით მოაგვაროს დაძაბულობა შეერთებულ შტატებთან.
ამის შესახებ დონალდ ტრამპმა „აქსიოსთან“ ინტერვიუში განაცხადა.
მისი თქმით, ირანთან სიტუაცია „ცვალებადია“.
„ირანის გვერდით ჩვენ გვყავს დიდი სამხედრო ფლოტი. უფრო დიდი, ვიდრე ვენესუელასთან არის. მათ სურთ შეთანხმება, მე ეს ვიცი. რამდენჯერმე დარეკეს. საუბარი სურთ“, – აღნიშნა დონალდ ტრამპმა.
„აქსიოსი“ წყაროებზე დაყრდნობით წერს, რომ დონალდ ტრამპს ჯერ არ მიუღია გადაწყვეტილება ირანზე დარტყმის შესახებ.
ამასთან, გამოცემის ცნობით, შეერთებული შტატების პრეზიდენტი მიმდინარე კვირაში თავის ეროვნული უსაფრთხოების გუნდთან დამატებით კონსულტაციებს გეგმავს.
