- By Keti Khomeriki
- In მსოფლიო
დონალდ ტრამპმა განაცხადა, რომ შესაძლოა, „ამბოხების აქტი“ აამოქმედოს, თუ სასამართლოები კვლავ შეაჩერებენ ჯარების განლაგების პროცესს ქვეყნის მასშტაბით
აშშ-ის პრეზიდენტმა, დონალდ ტრამპმა განაცხადა, რომ შესაძლოა, „ამბოხების აქტი“ აამოქმედოს, თუ სასამართლოები კვლავ შეაჩერებენ ჯარების განლაგების პროცესს ქვეყნის მასშტაბით.
„ჯერჯერობით ეს საჭირო არაა, მაგრამ „ამბოხების აქტი“ რაღაც მიზეზით გვაქვს. მისი გამოყენება თუ მომიწევს, ამას გავაკეთებ. ხალხის მოკვლა თუ გაგრძელდება და სასამართლოები გაგვაჩერებენ, რა თქმა უნდა, გავაკეთებ ამას. მე უნდა დავრწმუნდე, რომ ხალხი არ დაიღუპება. უნდა დავრწმუნდეთ, რომ ჩვენი ქალაქები უსაფრთხოა“, – აღნიშნა დონალდ ტრამპმა თეთრ სახლში ჟურნალისტებთან საუბრისას.
ცნობისთვის, აშშ-ის პრეზიდენტის, დონალდ ტრამპის მიერ ეროვნული გვარდიის განლაგების შესახებ მიღებული გადაწყვეტილების საპასუხოდ, ილინოისმა და ჩიკაგომ სასამართლოში სარჩელი შეიტანეს. ამ გადაწყვეტილების მიზანი ტრამპის ადმინისტრაციის მიერ ეროვნული გვარდიის ჯარისკაცების გაგზავნის შეჩერებაა.
