- By Keti Khomeriki
- In მსოფლიო
დონალდ ტუსკი – უკრაინის საკითხზე 56 სამიტი თუ იქნება, მშვიდობა უფრო სწრაფად არ დადგება, შეხვედრების რაოდენობა პროგრესს არ იწვევს
უკრაინის საკითხზე 56 სამიტი თუ იქნება, მშვიდობა უფრო სწრაფად არ დადგება, – ამის შესახებ პოლონეთის პრემიერ-მინისტრმა, დონალდ ტუსკმა განაცხადა.
ტუსკის თქმით, უკრაინის საკითხზე სხვადასხვა ფორმატის შეხვედრების რაოდენობა პროგრესს არ იწვევს.
პოლონეთის პრემიერის ინფორმაციით, მისი ქვეყანა მომავალ კვირას პარიზში დაგეგმილ უკრაინის სამიტს დაესწრება. შეხვედრის ბოლოს კი მას დაგეგმილი აქვს პირისპირ შეხვედრა საფრანგეთის პრეზიდენტთან, ემანუელ მაკრონთან.
„როგორც ცნობილია, მართლაც ბევრია უკრაინის საკითხისადმი მიძღვნილი შეხვედრები, სამიტები, ვიდეოკონფერენციები, ვიზიტები. ზოგი იტყვის, რომ ძალიან ბევრია. როგორც ჩანს, შეხვედრების რაოდენობა პროგრესს არ იწვევს. ეს ჩემი ზოგადი შენიშვნაა, რათა არ გავგიჟდეთ, რომ 56 სამიტი და ვიდეოკონფერენცია თუ იქნება, მაშინ მშვიდობა უფრო სწრაფად დადგება“, – განაცხადა ტუსკმა.
