- By Keti Khomeriki
- In პოლიტიკა, სიახლეები
ეკა სეფაშვილი – ვიქტორ ორბანის ვიზიტი ჩვენი ქვეყნისთვის მნიშვნელოვანია
მოძრაობა „ხალხის ძალის“ წევრის, ეკა სეფაშვილის განცხადებით, უნგრეთის პრემიერ-მინისტრს, ვიქტორ ორბანის ვიზიტი საქართველოსთვის ძალიან მნიშვნელოვანია.
„ორბანის ვიზიტი ჩვენი ქვეყნისთვის ძალიან მნიშვნელოვანია, რადგან როდესაც დაისახა გეგმა, საქართველო გახდეს სატრანსპორტო ჰაბი ენერგორესურსებისთვის თუ ასე შემდეგ, ეს საუბარი არ დარჩა საუბრად და საქმიანი ვიზიტი განხორციელდა. ეს კი ნიშნავს, რომ საქართველოს გეოპოლიტიკური მნიშვნელობა ეზრდება და საქართველოში მშვიდობა და სტაბილურობა იქნება არა მხოლოდ საქართველოს ინტერესში, არამედ ყველა იმ ქვეყნის ინტერესში, მათ შორის ევროკავშირის ინტერესებში, რომლებიც ისარგებლებენ საქართველოს გავლით თავიანთი ეკონომიკური საქმიანობისთვის. ეს არის ძალიან მნიშვნელოვანი ქვეყნისთვის, რეგიონისთვის, ევროკავშირისთვის და ზოგადად მსოფლიოსთვის“, – განაცხადა ეკა სეფაშვილმა.
მკითხველს შევახსენებთ, ვიქტორ ორბანი სამთავრობო დელეგაციასთან ერთად საქართველოს 10 ოქტომბერს ეწვია.
