ერთი დღე პრეზიდენტის ინაუგურაციამდე
ხვალ პრეზიდენტის ინსტიტუტი კონსტიტუციის ჩარჩოებში დაბრუნდება, ამის პირობა უკვე დადო და შესაბამისად, გარანტიც მომდევნო ხუთი წლის განმავლობაში მიხეილ ყაველაშვილი იქნება, რომელიც მისი წინამორბედისგან განსხვავებით, ეროვნულობითა და პატრიოტიზმით გამოირჩევა.
რამდენიმე საათში მოვლენების მთავარი ეპიცენტრი პარლამენტი იქნება, სადაც მიხეილ ყაველაშვილი საპრეზიდენტო ფიცს დადებს.
29 დეკემბერს საქართველოს პარლამენტის სასახლეში უსაფრთხოების ყვითელი დონე იმოქმედებს.
ღონისძიება 11:00 საათზე დაიწყება და დაახლოებით 40 წუთი გაგრძელდება.
პარლამენტის სხდომათა დარბაზში ბოლო მოსამსადებელი სამუშაოები მიმდინარეობს. ინაუგურაციას პარლამენტის თავჯდომარე წარმართავს. ყაველაშვილის ფიცის დადებას დაესწრება : მმართველი გუნდი, აჭარისა და აფხაზეთის ავტონომიური რესპუბლიკისა და საპატრიარქოს წარმომადგენლები. მიწვეული არ არის დიპლომატიური კორპუსი.
ყაველაშვილი ფიცს სპეციალურად დაბეჭდილ კონსტიტუციის ეგზემპლარზე დადებს, რომელიც პარლამენტის ბიბლიოთეკაში დაიდებს ბინას და ყოველი მომდევნო პრეზიდენტის ინაუგურაციის დროს გამოიყენებენ.
ირაკლი გუნია
