- By Keti Khomeriki
- In სამართალი
ეროვნული უსაფრთხოების საბჭოს აპარატის უფროსმა მსოფლიო ბანკის სამხრეთ კავკასიის რეგიონულ დირექტორთან გაცნობითი შეხვედრა გამართა
ეროვნული უსაფრთხოების საბჭოს აპარატის უფროსმა, ლევან ღირსიაშვილმა მსოფლიო ბანკის რეგიონულ დირექტორთან სამხრეთ კავკასიაში, როლანდ პრაისთან გაცნობითი შეხვედრა გამართა. ინფორმაციას ამის შესახებ ეროვნული უსაფრთხოების საბჭოს აპარატი ავრცელებს.
უწყების ცნობით, მხარეებმა კატასტროფის რისკის შემცირების ეროვნულ სტრატეგიასა და ადრეული შეტყობინების სისტემის შექმნის პროცესში მსოფლიო ბანკის მხრიდან მხარდაჭერის თაობაზე იმსჯელეს და სამომავლო თანამშრომლობის გაღრმავებაზე შეთანხმდნენ.
„შეხვედრას ეროვნული უსაფრთხოების საბჭოს აპარატის კრიზისული ვითარების მართვის ცენტრის დირექტორი რუსუდან კახიშვილი და მსოფლიო ბანკის კატასტროფის რისკის მართვის უფროსი სპეციალისტი ტაფაძვა ირვინ დუბე ესწრებოდნენ“, – ნათქვამია ეროვნული უსაფრთხოების საბჭოს აპარატის მიერ გავრცელებულ ინფორმაციაში.
