ეუთო/ოდირის მორიგ ანგარიშში დასავლეთის მხრიდან საქართველოს საარჩევნო პროცესებში და შიდა პოლიტიკურ საქმეებში ჩარევის ფაქტები მოხვდება ?
ერთმანეთთან დაპირისპირებული პოლიტიკური მხარეების მიერ რეფერენდუმად გამოცხადებულ არჩევნებამდე ორი კვირით ადრე ცნობილი ხდება ეუთო/ოდირის პირველი შუალედური ანგარიში.
დოკუმენტში საუბარია: გაზრდილ პოლარიზაციაზე, პოლიტიკოსების პოლარიზებულ რიტორიკასა და წინასაარჩევნოდ თავდასხმების შემთხვევებზე, როგორც ,,ქართული ოცნების”, ასევე რადიკალური ოპოზიციის მისამართით.
დოკუმენტში ასევე ვკითხულობთ, რომ საარჩევნო კოდექსში ეუთო/ოდირის რეკომენდაციები დღემდე შეუსრულებელი რჩება. დოკუმენტში, რომელიც წინასაარჩევნო მონიტორინგს ეხება, საუბარია დესტრუქციულ ოპოზიციაზეც და წერია, რომ ოპოზიციას აქვს უნდობლობა ცენტრალური საარჩევნო ადმინისტრაციისა და სახელმწიფო ინსტიტუტების მიმართ.
ეუთო/ოდირის ანგარიშს დადებითად აფასებს მმართველი პარტია.
,,ქართულ ოცნება”-ში ახლა მოლოდინი აქვთ, რომ მორიგ ანგარიშში, რომელიც საპარლამენტო არჩევნების დასრულების შემდეგ უნდა გამოქვეყნდეს, მოხვდება დასავლეთის მხრიდან საქართველოს საარჩევნო პროცესებში და შიდა პოლიტიკურ საქმეებში ჩარევის ფაქტები.
ავტორი – ირაკლი გუნია
