ეუთო/ოდირის საბოლოო დასკვნამ რადიკალების სპეკულაციას წერტილი დაუსვა
ოპოზიციის ბრალდება, რომ 26 ოქტომბრის საპარლამენტო არჩევნები დარღვევებით ჩატარდა და გაყალბდა უსაფუძვლოა – ამას კიდევ უფრო ამყარებს ეუთო/ოდირის საბოლოო დასკვნა, სადაც წერია, რომ არჩევნები თავისუფალ და კონკურენტულ გარემოში ჩატარდა და არჩევნების დღე და კენჭისყრის პროცესი კარგად იყო ორგანიზებული ცენტრალური საარჩევნო კომისიის მხრიდან.
ეუთო/ოდირი დადებითად მიიჩნევს, რომ იმ ფონზე, როდესაც ქვეყანაში ელექტრონული არჩევნები პირველად ჩატარდა, ამ კითხით საინფორმაციო კამპანია იყო მაღალ დონეზე. ეუთო/ოდირი ასევე მზად არის დაეხმაროს ქვეყანას საარჩევნო პროცესების განვითარებაში, რისთვისაც მზაობა უკვე გამოთქვა საქართველოს პრემიერ-მინისტრმა ირაკლი კობახიძემ. ეუთო/ოდირთან სამომავლო თანამშრომლობისთვის მზად არის ცენტრალური საარჩევნო ადმინისტრაციის თავჯდომარე გიორგი კალანდარიშვილიც და, რაღა თქმა უნდა, რადიკალური ოპოზიცია ისევ საზოგადოების მოტყუებას ცდილობს და წარმოაჩენს ისე, რომ ეუთო/ოდირის ანგარიში 26 ოქტომბრის არჩევნებთან დაკავშირებით არის ნეგატიური, არადა ანგარიშში არ არის საუბარი იმ დარღვევებზე, რომელზეც მიმდინარე თვეების განმავლობაში ხელისუფლების ოპონენტები საუბრობდნენ.
რაც შეეხება მმართველი გუნდის პოზიციას, ,,ქართულ ოცნებაში” ეუთო/ოდირის მხრიდან ხელისუფლების მიმართ თავდასხმების ფონზე, მიესალმებიან ანგარიშში გაკეთებულ შეფასებებს. სახელისუფლებო გუნდში ამბობენ იმასაც, რომ ეუთო/ოდირის დასკვნით რადიკალური ოპოზიციის სპეკულაციებს საბოლოო წერტილი დაესვა.
ირაკლი გუნია
