ექსკლუზივი – იმედი, რომელიც მხოლოდ სახელად რჩება – სადაზღვევო კომპანია იმედი L -ის ბნელი მხარე

სადაზღვევო კომპანია იმედი L მრავალი წელია საქართველოს ბაზარზე ერთ-ერთ ლიდერად მოიაზრება. კომპანია მილიონობით ლარს ხარჯავს რეკლამაში, სადაც გვპირდება სრულყოფილ და უწყვეტ ზრუნვას დაზღვეულებზე. გვთავაზობს ინოვაციურ სერვისებს, აპლიკაციებს, ხელოვნურ ინტელექტს და უსწრაფეს მომსახურებას. ეს ყველაფერი კი საბოლოოდ უზარმაზარ აუდიტორიას იზიდავს. მაგრამ რა ხდება ამ კაშკაშა სარეკლამო ბანერების მიღმა ? ჩვენი ჟურნალისტური გამოძიება გვიჩვენებს, რომ იმედი L -ის დაპირებები მხოლოდ ლამაზი ლოზუნგებია, რომლებიც რეალობასთან სრულიად შეუსაბამოა. დაზღვეული ადამიანების იმედი კი, ფაქტობრივად, მხოლოდ სიტყვად რჩება.

პირველმა საგამოძიებო სტატიამ ამ თემაზე მკითხველს კარი შეუღო ამ ბნელ სამყაროში და დღევანდელი სტატია კიდევ უფრო თვალნათლივ დაგანახებთ იმედი L – ის უიმედობას…

იხ ლინკი : https://geonews.org.ge/%e1%83%a1%e1%83%90%e1%83%93%e1%83%90%e1%83%96%e1%83%a6%e1%83%95%e1%83%94%e1%83%95%e1%83%9d-%e1%83%99%e1%83%9d%e1%83%9b%e1%83%9e%e1%83%90%e1%83%9c%e1%83%98%e1%83%90-%e1%83%98%e1%83%9b%e1%83%94%e1%83%93/

„ფორმა №100“-ის სქემა :

ოფიციალური ტყუილის სარკე !

სტატიაში წარმოდგენილი ბრალდებები ყველაზე მეტად მტკიცდება საგამოძიებო მასალით, რომელიც უდავოდ ამხელს კომპანიის მენეჯმენტის მიზანმიმართულ ტყუილს.

ეს არის ყველაზე დიდი სკანდალი, რომელიც უკვე ვეღარ დაიმალება.

იმედი L -ის ოფიციალური პოზიცია ამტკიცებს, რომ დაზღვევის კონკრეტული პაკეტები ითვალისწინებს ექიმის მიერ გაცემული ფორმა N 100-ის ( ჯანმრთელობის მდგომარეობის შესახებ ოფიციალური ცნობა ) მიღებას. თუმცა, ჩვენს ხელთ არსებული აუდიოჩანაწერი ამ ბრალდებას ოფიციალურად ადასტურებს.

ჩანაწერში ოპერატორი პირდაპირ, ყოველგვარი მორიდების გარეშე აცხადებს : „ჩვენი არც ერთი პაკეტი არ ითვალისწინებს ფორმა N 100-ის გაცემას, ექიმები ამას არ წერენ“.

სიტყვა „არც ერთი“ აქ ყველაფერს წყვეტს. ეს არ არის ტექნიკური გაუგებრობა. ეს არის სისტემური ტყუილი, რომელიც მიზანმიმართულად ატყუებს მომხმარებელს. ადამიანები, რომლებიც ასობით ლარს იხდიან ამ პაკეტებში, რჩებიან ყველაზე საჭირო დოკუმენტის გარეშე, რაც მათ კრიტიკულ მომენტში ყველაზე მეტად სჭირდებათ. იმედი L -ის დაზღვეული იძულებულია ამ ფიქტიური დაპირებების გამო, კერძო კლინიკებში დამატებით 40-50 ლარი გადაიხადოს.

უყურადღებო პედიატრია :

გულგრილობა ბავშვების მიმართ !

იმედი L -ის პროვაიდერი, „შპს პედიატრი“, რომელსაც ის აბარებს ბავშვების ჯანმრთელობაზე ზრუნვას, გულგრილად ეკიდება საკითხს. მაგალითად, მას არ აქვს კარდიოგრამის აპარატი. ეს ნიშნავს, რომ გულის პრობლემის შემთხვევაში, ბავშვის გადარჩენის ერთადერთი იმედი სახელმწიფო სასწრაფო დახმარებაა.

სად არის სადაზღვევო ზრუნვა ბავშვზე ? დაზღვეული მშობელი, რომელსაც სჯერა, რომ მისი შვილი დაცულია, უძლურ სიტუაციაში აღმოჩნდება.

ფსიქოლოგიური ვაკუუმი :

გულგრილობა მოზარდებზე !

გარდატეხის ასაკში მყოფი ბავშვებისთვის ფსიქოლოგიური დახმარება აუცილებელია. თუმცა, იმედი L -ის არც ერთი პაკეტი ამ სერვისს არ ფარავს. მშობლებს ისევ ჯანდაცვის სამინისტროს პროგრამების იმედი აქვთ, სადაზღვევო კომპანია კი, გულგრილად ტოვებს ყველაზე მოწყვლად ჯგუფს.

რეკლამა რეალობის წინააღმდეგ :

კომპანიის რეკლამებში გაცხადებული აპლიკაცია, ხელოვნური ინტელექტი და სწრაფი ჩაწერა მხოლოდ ცარიელი ლოზუნგებია. დაზღვეულები ხანგრძლივი პერიოდოს განმავლობაში ელოდებიან პასუხს ზარებზე, წერილებსა თუ განაცხადებზე. სისტემა მთლიანად ჩაფლულია ბიუროკრატიასა და ტყუილში, ხოლო მომხმარებლის სწრაფი მომსახურების დაპირება ფიქციაა.

ლიდერობა ეჭვქვეშ :

იმედი L მუდამ ლიდერობაზე საუბრობს და ასიათასობით დაზღვეულსა და მილიონობით მოგებაზე. მაგრამ რამდენია რეალურად დაკმაყოფილებული განაცხადი ? რამდენს გადაახდევინეს ზედმეტი ? რამდენი ბავშვი დარჩა დაუცველი, რადგან დაპირებები რეალობაში არ შესრულდა ? ამ კითხვებზე პასუხები არ არსებობს.

გამჭვირვალე სტატისტიკა არ ქვეყნდება. ეს არის ,,ლიდერობა”, რომელიც უპასუხისმგებლობაზეა დაფუძნებული.

დასკვნა :

იმედი, რომელიც არ არსებობს !

იმედი L მხოლოდ სარეკლამო ბანერებზეა იმედი. პრაქტიკაში კი :

• ფორმა №100 – ფიქცია, რომელიც დაზღვეულს ფულს იხარჯვინებს.

• კარდიოგრამის არარსებობა – დაუდევრობა სიცოცხლის მიმართ.

• ფსიქოლოგიური დახმარების იგნორირება – გულგრილობა მომავლის მიმართ.

სადაზღვევო კომპანიის ლიდერობაზე საუბარი სიცრუეა. დაზღვეულ ადამიანs ნაკლებად უნდა ჰქონდეს იმედი, რომ იმედი L მის ჯანმრთელობაზე იზრუნებს.

რეკომენდაციები :

• დაუყოვნებლივ უზრუნველყონ ფორმა № 100-ის უფასო გაცემის პრაქტიკა.

• ბავშვებისთვის აუცილებელი მომსახურებები – კარდიოგრამა, ფსიქოლოგი და ფსიქოთერაპევტი შევიდეს დაფარვაში.

• გამოაქვეყნონ სრული და გამჭვირვალე სტატისტიკა, რათა დაზღვეულმა იცოდეს, რას უნდა ელოდოს.