ექსკლუზივი – საქართველოს მოქალაქეებისათვის რუსეთის ფედერაციაში შესვლისა და საქმიანობის თავისუფალი რეჟიმი დაწესდა და გათანაბრდა რუსეთის მეგობარი ქვეყნების მოქალაქეთა უფლებებთან
საქართველოს მოქალაქეებისთვის რუსეთის ფედერაციაში დასაქმების გამარტივებული პროცედურის შესახებ:
,,GEO NEWS”-მა ექსკლუზიური ინფორმაცია მიიღო რუსეთის ფედერაციის პრეზიდენტთან არსებული მიგრაციული პოლიტიკის კომისიის წევრი და რუსეთის ფედერაციის შინაგან საქმეთა სამინისტროს მიგრაციის საკითხთა მთავარი დირექტორატის მიგრაციის საკითხებში ექსპერტთა საკონსულტაციო საბჭოს წევრის, დოქტორის, ეკონომიკის პროფესორის, ,,რუსი და ქართველი ხალხების ერთიანობის ფონდის” პრეზიდენტი, ბატონ ვლადიმერ ხომერიკისგან საქართველოს მოქალაქეების რუსეთის ფედერაციაში უვიზო შესვლისა და შრომითი მიგრაციის გამარტივებული წესების შესახებ სიახლეების თაობაზე.
ჩვენს მკითხველს ექსკლუზიურად ვაცნობებთ, რომ რუსეთის ფედერაციაში საქართველოს მოქალაქეების დასაქმების გამარტივებული პროცედურა ეფუძნება და გამომდინარეობს რუსეთის ფედერაციის პრეზიდენტის 2024 წლის 10 ოქტომბრის No 873-ე ბრძანებულებიდან, რომლითაც საქართველოს მოქალაქეებისთვის უვიზო რეჟიმია დაწესებული.
2023 წლის 15 მაისიდან რუსეთმა საქართველოსთვის უვიზო რეჟიმი გახსნა, რომელსაც ჰქონდა გარკვეული შეზღუდვები. საქართველოს მოქალაქეებისთვის სამუშაოდ და სასწავლოდ ჩასვლა მხოლოდ ვიზის საფუძველზე იყო შესაძლებელი, ასევე ვიზა იყო საჭირო რუსეთში 90 დღეზე მეტი ყოფნისთვის.
რუსეთის ფედერაციაში საქართველოს მოქალაქეების დასაქმების გამარტივებული პროცედურა დაფუძნებულია და გამომდინარეობს რუსეთის ფედერაციის პრეზიდენტის 2024 წლის 10 ოქტომბრის N 873-ე ბრძანებულებიდან, რომლითაც დადგენილია უვიზო რეჟიმი საქართველოს მოქალაქეებისთვის რუსეთში შესასვლელად განურჩევლად ვიზიტის მიზნისა.
აღნიშნულმა შესაძლებელი გახადა საქართველოს მოქალაქეების რეალურად გათანაბრება ,,ЕАЭС”-ს, ხელშეკრულების წევრი ქვეყნების, აზერბაიჯანის, მოლდოვის, უზბეკეთის, უკრაინისა და ტაჯიკეთის მოქალაქეებთან.
2024 წლის 10 ოქტომბრიდან რუსეთში სამუშაოსთვის შესული საქართველოს მოქალაქეები უფლებამოსილნი არიან მიმართონ შესაბამის პატენტირების პროცედურას. რუსეთის ფედერაციაში შესვლისთვის ადრე გაცემული ვიზები (გარდა სამუშაო და სწავლისთვის გაცემული ვიზებისა) ბათილია – ხდება არასაჭირო.
სრულიად ლოგიკურია ვივარაუდოთ, რომ რუსეთში ვიზის საფუძველზე მყოფი საქართველოს მოქალაქეები (გარდა სამუშაოსა და სწავლისა), რუსეთის ფედერაციის დატოვების შემდეგ, შემდგომი შესვლით (თუნდაც ვიზას ვადა არ გაუვიდეს ) მათ შეეძლებათ განაცხადონ მოთხოვნა პატენტზე. საქართველოს მოქალაქეები, რომლებიც ამჟამად იმყოფებიან რუსეთში ჩვეულებრივი სამუშაო ვიზის საფუძველზე და აქვთ სამუშაო ნებართვა, შეინარჩუნებენ სტატუსსა და ვიზას სამუშაო ნებართვის ვადის ამოწურვამდე. შემდეგ მათ მოუწევთ ქვეყნის დატოვება და დაბრუნების შემდეგ განაცხადი შეეძლებათ პატენტზე.
მათ, ვისაც სურვილი აქვს სამუშაო ნებართვის ვადის ამოწურვამდე მიიღოს პატენტი, საჭიროა დაუკავშირდეს შინაგან საქმეთა სამინისტროს სამუშაო ნებართვის გაუქმების მოთხოვნით. შემდეგ დატოვოს და კვლავ დაბრუნდეს ქვეყანაში და წარადგინოს განცხადება პატენტზე.
სასწავლო ვიზის საფუძველზე რუსეთში მყოფი საქართველოს მოქალაქეები შეინარჩუნებენ სტატუსს, მათ შორის სწავლის სამუშაოსთან შეთავსების შესაძლებლობის ჩათვლით (თუ ტრენინგი სრულ განაკვეთზეა).
საქართველოს მოქალაქეებს, რომლებსაც აქვთ რუსეთის ფედერაციაში შესვლის მოქმედი ვიზა, ქვეყანაში შესვლის შემდეგ, 2024 წლის 10 ოქტომბრიდან, ყოფნის ადგილზე რეგისტრაციისას, ინფორმაციის მითითება ვიზის შესახებ არ იქნება საჭირო ჩასვლის შეტყობინებაში.
საქართველოს მოქალაქეებისთვის რუსეთში ყოფნის ვადის გაგრძელება 2024 წლის 10 ოქტომბრიდან უნდა განხორციელდეს ვიზის გარეშე, ვიზიტორებისათვის (მათ შორის რუსეთის მოქალაქეებთან საოჯახო კავშირების საფუძველზე), ზოგადი პროცედურის შესაბამისად. მათ შორის უცხო ქვეყნის მოქალაქეებისათვის, რომლებმაც მიიღეს ბინადრობის ნებართვა რუსეთის ფედერაციაში.
ქეთი ხომერიკი
,,GEO NEWS”
