- By Keti Khomeriki
- In სამართალი
ვახტანგ გომელაური – აქციებისას პოლიციის მხრიდან არაადეკვატური ქმედებები არ ყოფილა
საქართველოს შინაგან საქმეთა მინისტრის, ვახტანგ გომელაურის განცხადებით, აქციების დროს პოლიციის ქმედებები იყო ადეკვატური.
როგორც მინისტრმა ჟურნალისტებთან საუბარში განაცხადა, დაფიქსირდა რამდენიმე შემთხვევა, როდესაც პოლიციელებზე იძალადეს მოქალაქეებმა.
„პოლიციის მხრიდან არაადეკვატური ქმედებები არ ყოფილა. ჩვენ ვნახეთ პოლიციელებზე ხელკეტების ჩარტყმა, დაკავების დროს დაზიანდა რამდენიმე ადამიანი. როდესაც პოლიციელს ხელკეტს ურტყამ, არ ემორჩილები, უნდა დაგაკავონ და გადაგიყვანონ პოლიციის შენობაში. შემდეგ პოლიციელს რომ ეჭიდავები, ძირს დავარდები, ან ხელს იტკენ, ან გაიკაწრავ. მერე ამბობენ, ნახე, პოლიციელმა რა გამიკეთაო. პოლიციელს რომ ჯოხს ურტყამენ, ამაზე ოპოზიციონერები და ოპოზიციური ტელევიზიები ხმას არ იღებენ“, – განაცხადა გომელაურმა.
