- By Keti Khomeriki
- In მსოფლიო
ვიქტორ ორბანი – ვულოცავ ნიკუშორ დანს რუმინეთის საპრეზიდენტო არჩევნებში გამარჯვებას, მოუთმენლად ველოდები ერთად მუშაობას თანამშრომლობის გაძლიერებაზე
უნგრეთის პრემიერ-მინისტრი ვიქტორ ორბანი ბუქარესტის მერს, ნიკუშორ დანს რუმინეთის საპრეზიდენტო არჩევნებში გამარჯვებას ულოცავს.
„მსურს, მივულოცო ნიკუშორ დანს რუმინეთის საპრეზიდენტო არჩევნებში გამარჯვება. მოუთმენლად ველოდები ერთად მუშაობას უნგრეთსა და რუმინეთს შორის თანამშრომლობის გაძლიერებაზე ჩვენი ხალხების სასარგებლოდ“, – წერს უნგრეთის პრემიერ-მინისტრი ვიქტორ ორბანი სოციალურ ქსელ X-ში.
რუმინეთში 18 მაისს ჩატარებული საპრეზიდენტო არჩევნების მეორე ტურში გამარჯვება მოიპოვა ბუქარესტის მერმა, ნიკუშორ დანმა. შედეგების მიხედვით, ნიკუშორ დანმა ხმების 54,34 პროცენტი მიიღო, ხოლო ულტრამემარჯვენე ფრთის ლიდერმა, ჯორჯე სიმიონმა – 45,66 პროცენტი.
