- By Keti Khomeriki
- In მსოფლიო
ვლადიმერ პუტინსა და ილჰამ ალიევს შორის სატელეფონო საუბარი გაიმართა
რუსეთის პრეზიდენტს, ვლადიმერ პუტინსა და აზერბაიჯანის პრეზიდენტს, ილჰამ ალიევს შორის სატელეფონო საუბარი გაიმართა.
აღნიშნულის შესახებ ინფორმაციას რუსული მედია ქვეყნის პრეზიდენტის ადმინისტრაციაზე დაყრდნობით ავრცელებს.
კრემლის პრესსამსახურის ცნობით, საუბარი წარმოადგენდა 9 ოქტომბერს დსთ-ის სამიტზე გამართული დისკუსიის გაგრძელებას.
სახელმწიფოს მეთაურებმა დაადასტურეს ორმხრივი ვალდებულება სავაჭრო-ეკონომიკური კავშირების შემდგომი განვითარებისა და ერთობლივი პროექტების განხორციელების მიმართულებით. რუსული მედიის თანახმად, პუტინმა და ალიევმა საუბრისას რეგიონული თანამშრომლობისა და საერთაშორისო ვითარების რამდენიმე ასპექტი განიხილეს და სხვადასხვა დონეზე კონტაქტების გაგრძელებაზეც შეთანხმდნენ.
