- By Keti Khomeriki
- In სამართალი
თბილისში, ჭავჭავაძის გამზირზე მკვლელობა მოხდა, ასევე დაჭრილია ერთი პირი
თბილისში, ჭავჭავაძის გამზირზე სროლა იყო. მოკლულია მამაკაცი. ასევე დაჭრილია ერთი ადამიანი, რომელიც, არსებული ინფორმაცით, მისი თანმხლები პირია.
როგორც თვითმხილველები მედიასთან აცხადებენ, მათ ცეცხლსასროლი იარაღიდან 5-ზე მეტი გასროლის ხმა გაიგეს. თვითმხილველების ინფორმაციით, 2 ტყვია იქვე მდებარე ერთ-ერთ კაფეს მინებს მოხვდა.
ადგილზე მობილიზებულია პოლიცია და სასწრაფო დახმარების მანქანები.
გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.
