- By Keti Khomeriki
- In მსოფლიო
თეთრ სახლში აცხადებენ, რომ ირანის თავდასხმას ისრაელში მსხვერპლი არ მოჰყოლია
თეთრ სახლში აცხადებენ, რომ ისრაელში ირანის თავდასხმას მსხვერპლი არ მოჰყოლია.
როგორც ეროვნული უსაფრთხოების საკითხებში აშშ-ის პრეზიდენტის მრჩეველმა, ჯეიკ სალივანმა პრესკონფერენციაზე განაცხადა, ამ ეტაპზე არ არსებობს ინფორმაცია ირანის ისრაელში თავდასხმის შედეგად მსხვერპლის შესახებ, თუმცა, აღნიშნავენ, რომ სიტუაცია ცვალებადია და შესაძლოა, დეტალები შეიცვალოს.
ჯეიკ სალივანმა ირანის მიერ განხორციელებული თავდასხმა „მნიშვნელოვან ესკალაციად“ შეაფასა, თუმცა აღნიშნა, რომ შეტევა არაეფექტური აღმოჩნდა. მისივე თქმით, ირანმა ისრაელის მიმართულებით დაახლოებით 200 ბალისტიკური რაკეტა გაუშვა.
სალივანის განცხადებით, პრეზიდენტი ჯო ბაიდენი და ვიცე-პრეზიდენტი კამალა ჰარისი ყურადღებით აკვირდებოდნენ ახლო აღმოსავლეთში განვითარებულ მოვლენებს.
სალივანმა ასევე აღნიშნა, რომ აშშ-ს არ დაუწყია თავისი მოქალაქეების საგანგებო ევაკუაცია.
