- By Keti Khomeriki
- In პოლიტიკა
თენგიზ შარმანაშვილი – ხელისუფლება ლეგიტიმური არ არისო, არ ამბობდნენ, მაგრამ შემდეგ რეზოლუციები მიიღეს, შანტაჟის მიზანმიმართულ მოქმედებებს მიჰყვებიან, რასაც შედეგი არ ექნება, როგორც აქამდე
გაფართოების ფორუმზე არ მიგვიწვიეს, რადგან ნარატივი, მაქსიმალურად შეზღუდონ საქართველო, რათა სიმართლის მტკიცება ვერ შეძლოს, სადაც ხელეწიფება, ახალი არ არის, – ამის შესახებ საპარლამენტო უმრავლესობის წევრმა, თენგიზ შარმანაშვილმა გაფართოების ფორუმზე საქართველოს არმიწვევასთან დაკავშირებით განაცხადა.
მისი თქმით, ეს ყველაფერი შანტაჟია.
„სურათს ქმნიან, რომ ამ ადამიანებთან ურთიერთობა არ გვექნება იქამდე, ვიდრე ისინი იმას არ გააკეთებენ, რაც ჩვენ გვინდა ან ისეთ პოლიტიკურ ვითარებას არ შევქმნით, ვიდრე მათი დამხობა ადვილი არ იქნება. ამ ორი საკითხის გარდა, არაფერს განიხილავენ. არ ამბობდნენ, რომ ხელისუფლება ლეგიტიმური არ არის, მაგრამ შემდეგ რეზოლუციები მიიღეს. შანტაჟის მიზანმიმართულ მოქმედებებს მიჰყვებიან, რასაც შედეგი არ ექნება, როგორც აქამდე არ ჰქონდა“, – განაცხადა შარმანაშვილმა.
