ირაკლი კობახიძემ დუშეთის ახლად რეაბილიტირებული №2 საჯარო სკოლა დაათვალიერა
საქართველოს პრემიერ-მინისტრმა, ირაკლი კობახიძემ, განათლების, მეცნიერებისა და ახალგაზრდობის მინისტრთან, გივი მიქანაძესთან ერთად, ქალაქ დუშეთის ახლად რეაბილიტირებული №2 საჯარო სკოლა დაათვალიერა.
მთავრობის მეთაური სკოლის განახლებულ ინფრასტრუქტურას გაეცნო და პედაგოგებს შეხვდა.
ირაკლი კობახიძემ მასწავლებლებს წარმატებები უსურვა და აღნიშნა, რომ სასკოლო ინფრასტრუქტურის განვითარება მთელი ქვეყნის მასშტაბით მთავრობისთვის პრიორიტეტია.
სკოლას აქვს როგორც შიდა სპორტული დარბაზი, ასევე გარე მოედანი, ბიბლიოთეკა, რესურსოთახი, ბუფეტი, სააქტო დარბაზი, საკონფერენციო აუდიტორია, ექიმის კაბინეტი და ლაბორატორიები.
სკოლას 600-მდე მოსწავლე და 46 მასწავლებელი ჰყავს.
სარეაბილიტაციო სამუშაოები საქართველოს განათლების, მეცნიერებისა და ახალგაზრდობის სამინისტროს ფინანსური მხარდაჭერით განხორციელდა და მისმა ღირებულებამ 5,5 მილიონ ლარს გადააჭარბა.
ინფორმაციას საქართველოს მთავრობის ადმინისტრაციის პრესსამსახური ავრცელებს.
