- By Keti Khomeriki
- In პოლიტიკა
ირაკლი კობახიძე ბულგარეთის რესპუბლიკაში საქართველოს ახლადდანიშნულ ელჩს, ზურაბ ხამაშურიძეს შეხვდა
საქართველოს პრემიერ-მინისტრი ირაკლი კობახიძე ბულგარეთის რესპუბლიკაში საქართველოს ახლადდანიშნულ საგანგებო და სრულუფლებიან ელჩს, ზურაბ ხამაშურიძეს შეხვდა.
მთავრობის მეთაურმა დიპლომატს თანამდებობაზე დანიშვნა მიულოცა და მომავალ საქმიანობაში წარმატებები უსურვა.
ზურაბ ხამაშურიძე ესტონეთის რესპუბლიკაში საქართველოს საგანგებო და სრულუფლებიანი ელჩის პოზიციას იკავებდა. სხვადასხვა დროს ის იყო ევროკავშირის გენერალური დირექტორატის ევროინტეგრაციის დეპარტამენტის დირექტორი, ასევე, ბელგიის სამეფოში საქართველოს საელჩოსა და ევროკავშირში საქართველოს წარმომადგენლობის საგანგებო და სრულუფლებიანი დესპანი.
მუშაობდა საქართველოს საგარეო საქმეთა სამინისტროს საერთაშორისო ორგანიზაციების დეპარტამენტში, თავდაპირველად – ევროსაბჭოს, ხოლო შემდეგ ეუთო-ს სამმართველოს უფროსის თანამდებობაზე.
ინფორმაციას საქართველოს მთავრობის ადმინისტრაცია ავრცელებს.
