- By Keti Khomeriki
- In პოლიტიკა
ირაკლი კობახიძე – რუსეთს აქვს უკანონოდ ოკუპირებული საქართველოს ტერიტორიების 20 პროცენტი, არაფერი ამართლებს რუსეთის ქმედებას
„ნაციონალური მოძრაობის“ წარმომადგენლები – იაკობაშვილი, ლომაია და სხვები საუბრობდნენ, რომ ისინი სეპარატისტებთან აწარმოებდნენ საომარ მოქმედებებს და მადლობას უხდიდნენ რუსეთს, – ამის შესახებ საქართველოს პრემიერ-მინისტრმა, ირაკლი კობახიძემ ჟურნალისტებს განუცხადა.
მთავრობის მეთაურის თქმით, რუსეთს აქვს უკანონოდ ოკუპირებული საქართველოს ტერიტორიების 20პროცენტი და, რა თქმა უნდა, არაფერი არ ამართლებს რუსეთის ქმედებას.
„ჩვენ რომ ხვალ ცხინვალში ან სოხუმში შევიჭრათ, ეს იქნება ჩვენი დანაშაული და ჩვენი ღალატი იმიტომ, რომ ეს იქნება ავანტიურა. „ნაციონალური მოძრაობის“ პარტია დილიდან აცხადებდა, რომ ჰქონდათ საომარი მოქმედებები სეპარატისტებთან და რუსეთი იქცეოდა კარგად. ამას აცხადებდა „ნაციონალური მოძრაობის“ პარტია და დანარჩენი ყველაფერი არის „ნაცობა“. „ნაციონალური მოძრაობის“ წარმომადგენლები – იაკობაშვილი, ლომაია და სხვები საუბრობდნენ ასეთ რაღაცებს, რომ ისინი სეპარატისტებთან აწარმოებდნენ საომარ მოქმედებებს და მადლობას უხდიდნენ რუსეთს“, – განაცხადა პრემიერ-მინისტრმა.
