- By Keti Khomeriki
- In პოლიტიკა
ირაკლი კობახიძე – ყველას ვპირდები, რომ სახელმწიფოს სიმტკიცეს ვერავინ შეარყევს, ახალ წელსაც ყველა იზეიმებს ისე, როგორც ეს შეეფერება ჩვენს კულტურას, ტრადიციებსა და ჩვენი ხალხის ინტერესებს
ყველას ვპირდები, რომ სახელმწიფოს სიმტკიცეს ვერავინ შეარყევს და ახალ წელსაც ყველა იზეიმებს ისე, როგორც ეს შეჰფერის ჩვენს კულტურას და ტრადიციებს, როგორც ეს შეეფერება ჩვენი ხალხის ინტერესებს, – ამის შესახებ საქართველოს პრემიერ-მინისტრმა, ირაკლი კობახიძემ მთავრობის დღევანდელ სხდომაზე განაცხადა.
როგორც მთავრობის მეთაურმა აღნიშნა, საქართველოში „მაიდნის“ მცდელობა ჩავარდა და ახლა არის მცდელობა, მცირე ზიანი მაინც მიაყენონ ქვეყანას და ქვეყნის მოსახლეობას არ აცადონ ბოლომდე ახალი წლის ზეიმი.
„ასეთი მცდელობების შემდეგ ამ ადამიანებს კიდევ უკვირთ, რატომ აგებენ ყოველ ჯერზე არჩევნებს. უკვე ცხრა არჩევნები აქვთ წაგებული. ასე თუ გააგრძელებენ, კიდევ უფრო მძიმედ წავა მათი საქმე. ყველას ვპირდები, რომ სახელმწიფოს სიმტკიცეს ვერავინ შეარყევს და ახალ წელსაც ყველა იზეიმებს ისე, როგორც ეს შეჰფერის ჩვენს კულტურას, ტრადიციებს, როგორც ეს შეეფერება ჩვენი ხალხის ინტერესებს“, – განაცხადა ირაკლი კობახიძემ.
