- By Keti Khomeriki
- In მსოფლიო
ირანის საგარეო უწყების წარმომადგენელი – სიონისტური რეჟიმის მოქმედებები უპასუხოდ არ დარჩება
სიონისტური რეჟიმის მოქმედებები უპასუხოდ არ დარჩება, – ამის შესახებ ირანის საგარეო საქმეთა სამინისტროს პრესსპიკერმა, ნასერ ყანაანიმ განაცხადა.
ირანის საგარეო უწყების წარმომადგენლის თქმით, ირანი აგრესორების წინააღმდეგ მტკიცედ დგას და „მათ ხელ-ფეხს მოაჭრის“.
ნასერ ყანაანის განცხადებით, აშშ ვერაფერს მოიგებს ამ დანაშაულებიდან და ვერ აანაზღაურებს თავის მრავალწლიან წარუმატებლობას რეგიონში.
„ჩვენ დარწმუნებული ვართ, რომ ისლამურ ქვეყნებს აქვთ სიონისტური რეჟიმის დასჯის დიდი შესაძლებლობები და ეს არის ისლამური ქვეყნებიდან პალესტინელი ხალხის უფლების მოთხოვნა და მოლოდინი, გამოიყენონ თავიანთი ინსტრუმენტები და საშუალებები სიონისტურ რეჟიმზე ზეწოლის მიზნით. ლიბანის ამჟამინდელი გამოცდილება და ამ რეჟიმის წინა აგრესიების გამოცდილება აჩვენებს ზოგიერთ მეზობელ ქვეყანას, რომ სიონისტური რეჟიმის აგრესია არ შემოიფარგლება კონკრეტული გეოგრაფიული არეალით“, – განაცხადა ნასერ ყანაანიმ.
