- By Keti Khomeriki
- In მსოფლიო
ირანმა წარადგინა ახალი უპილოტო თვიმთფრინავი, რომლის მოქმედების მანძილი 1 000 კილომეტრია
ირანმა ახალი უპილოტო თვიმთფრინავი წარადგინა, რომლის მოქმედების მანძილი 1 000 კილომეტრია. ირანული მედიის ინფორმაციით, ახალი აპარატი, სახელწოდებით „ღაზა“, ირანმა სამხრეთ ირანში მასშტაბური სამხედრო წვრთნების ფარგლებში „ჰიბრიდული ოპერაციის“ დროს გამოიტანა.
ირანული მედია წერს, რომ უპილოტო თვითმფრინავმა, რომელსაც შეუძლია, სულ მცირე, 500 კილოგრამი ტვირთის გადაზიდვა, წვრთნების დროს წარმატებით აიღო იმიტირებული მტრის რვა სამიზნე.
უპილოტო თვითმფრინავის ფრთების სიგრძე – 22 მეტრი, ასაფრენი წონა კი 3 100 კილოგრამია. აპარატს ფრენა 35 საათის განმავლობაში შეუძლია 350 კილომეტრი საათი სიჩქარით. უპილოტო თვითმფრინავს შეუძლია 13 რაკეტის გადატანა ერთი ფრენით.
