ირინოლა ტყეშაველის გამორჩეული და სულისშემძვრელი პოეზია

,,GEO NEWS” გთავაზობთ ჩვენი ერთგული მკითხველისა და ნიჭიერი ქალბატონის ირინოლა ტყეშაველის ( ირინა ხურციძის ) შემოქმედებიდან საოცარ ლექსს მისი საავტორო მინიატურული პოეზიის კრებულისთვის….

შევახსენებთ ჩვენს მკითხველს, რომ ქალბატონი ირინა საბერძნეთში მყოფი ჩვენი თანამემამულეა, პოეტი და საქართველოს მწერალთა შემოქმედებითი კავშირის წევრია.

მისი პოეზია გამორჩეულია და როგორც ერთხელ აღვნიშნეთ – ადამიანური ემოციების მრავალშრიანობას გადმოსცემს.

ჩემებური ტანკა

საავტორო მინიატურული პოეზიის კრებულისთვის :

***
არც
ისეთი
დიდი უნდა იყო,
ყველას სამიზნე
გახდე,
არც
ისეთი
პატარა_
ვერავინ
შეგამჩნიოს…

____

***
უმადურობა
არ იკურნება,
მადლი თუ არ გაქვს
ერთი მისხალიც..
___
***
ქვაზე
დადებულ მადლის
რაი ვთქვა,
თუ უმადური
ფეხით გათელავს…
_____
***
ისეთი
დილა
მანახეთ ერთი,
მწირს თვალზე
ცრემლი რომ არ ედინოს…

_____
****
მაძღარს
სიზმარშიც
გაშლილი
სუფრა
ესიზმრება,
მშიერს _
ხმიადი….
____
****
თუ რიონმაც
ვერ გარეცხა,
ხანის წყალს
ნურაფერს
დააბრალებ..
___’
****
ბუზმა
რამდენიც
უნდა იბზიოს,
ფუტკრი
ყვავილთან
მაინც
მიფრინდება…
_____
****
დააბედებულ
ხელებზე
მწუხარებას
დაედო
ბინა.