BLOG

ევროკავშირის უმაღლესი წარმომადგენელი კაია კალასი აცხადებს, რომ ბლოკმა კრემლთან მოლაპარაკებების დაწყებამდე უნდა განსაზღვროს ის დათმობები, რომელთა გაკეთებაც რუსეთისგან სურთ უკრაინაში ომის დასასრულებლად.

როგორც ბრიუსელში ჟურნალისტებთან საუბრისას კალასმა აღნიშნა, ის რიგ ვარიანტებს ევროკავშირის 27 წევრ ქვეყანასთან განიხილავს, სადაც მოსკოვისთვის წაყენებული მოთხოვნები იქნება ჩამოყალიბებული.

„ისინი თუ მაქსიმალურ მოთხოვნებს წამოაყენებენ, ჩვენც მაქსიმალური მოთხოვნები უნდა წამოვაყენოთ. იმისთვის, რომ გვქონდეს მდგრადი მშვიდობა, ყველა ვინც მაგიდასთანაა, მათ შორის რუსებიც და ამერიკელებიც, უნდა გაითვალისწინონ რომ მათ სჭირდებათ ევროპის თანხმობა“, – თქვა კალასმა.