- By Keti Khomeriki
- In პოლიტიკა
კაია კალასი – ვიცი, რომ საქართველოს მოსახლეობამ აირჩია ევროპული გზა, ჩვენი მხრივ უნდა შევასრულოთ საშინაო დავალება, ეს გულისხმობს გაფართოებას, შესაძლებლობებს
საქართველოსთვის მთავარი რჩევა არის ის, რომ უნდა შეასრულოს საშინაო დავალება. მე ასევე ძალიან ბედნიერი ვარ, რომ ჩვენ შევძელით საქართველოსთვის კანდიდატის სტატუსის მინიჭება, – ამის შესახებ ესტონეთის პრემიერ-მინისტრმა, კაია კალასმა განაცხადა.
კალასის თქმით, საქართველოს მოსახლეობამ აირჩია ევროპული გზა.
„ჩვენი საკუთარი ისტორიიდან ვიცით, რომ ეს მოითხოვს უზარმაზარ პოლიტიკურ ნებას და ბევრ რეფორმას, რომელიც უნდა შეასრულოთ, რათა წინ წახვიდეთ. მე ვიცი, რომ საქართველოს მოსახლეობამ აირჩია ევროპული გზა. ახალი წევრების მისაღებად 2030 წლისთვის, ჩვენ ვიმუშავებთ ამ მიმართულებით, ჩვენ ჩვენი მხრივ უნდა შევასრულოთ ჩვენი საშინაო დავალება. ეს გულისხმობს გაფართოებას, შესაძლებლობებს და ბევრ მიმართულებას ამ კუთხით. თუ ეს ქვეყნები შეასრულებენ საჭირო კრიტერიუმებს, ჩვენ მზად უნდა ვიყოთ ამ დროისთვის. არასწორი იქნება თქმა, რომ ჩვენ მზად არ ვართ. ვფიქრობ, ყველაფერი შეუფერხებლად წარიმართება“, – განაცხადა კალასმა.
