- By Keti Khomeriki
- In პოლიტიკა
კახა კალაძე – შეიძლება, ვიღაცას სხვა პოლიტიკური შეხედულება ჰქონდეს, მაგრამ მივიდეთ, ერთმანეთს ცხვირ-პირი დავალეწოთ და ბანერები დავუხიოთ, ეს დემოკრატიასთან და ევროპასთან კავშირში არ არის
შეიძლება, ვიღაცას სხვა პოლიტიკური შეხედულება ჰქონდეს, მაგრამ მივიდეთ, ერთმანეთს ცხვირ-პირი დავალეწოთ და ბანერები დავუხიოთ, ეს დემოკრატიასთან და ევროპასთან კავშირში არ არის, – ამის შესახებ თბილისის მერმა, კახა კალაძემ „ქართული ოცნება – დემოკრატიული საქართველოს“ თბილისის საარჩევნო შტაბთან დაგეგმილ საპროტესტო აქციებთან დაკავშირებით დასმულ შეკითხვაზე განაცხადა.
კახა კალაძე ყველას ურჩევს, რომ რეალობას შეხედონ.
„ყოველდღე იკრიბებიან, ერთმანეთს ხვდებიან, ესაუბრებიან და იგინებიან. ალბათ ხვალაც შეიკრიბებიან. მინდა, ყველა იქ მდგომს, გინდ განსხვავებული მოსაზრების მქონე ადამიანს, ვუსურვო, რომ რეალობას შეხედონ. შეიძლება ვიღაცას სხვა მოსწონდეს, სხვა პოლიტიკური შეხედულება ჰქონდეს, მაგრამ მივიდეთ, ერთმანეთს ცხვირ-პირი დავალეწოთ, ვაგინოთ და ბანერები დავუხიოთ, საარჩევნო კამპანიაში ხელი შევუშალოთ, ეს დემოკრატიასთან და ევროპასთან კავშირში საერთოდ არ არის. ეს არის სიბნელე“, – განაცხადა კახა კალაძემ.
