- By Keti Khomeriki
- In პოლიტიკა
კეროლაინ ლევიტი – პრეზიდენტმა ტრამპმა ნათლად განაცხადა, რომ „ჰამასისგან“ პასუხის მოსმენა ძალიან სწრაფად სურს, იმედი გვაქვს, რომ „ჰამასი“ ღაზის სამშვიდობო გეგმას მიიღებს
პრეზიდენტმა ტრამპმა ნათლად განაცხადა, რომ „ჰამასისგან“ პასუხის მოსმენა ძალიან სწრაფად სურს, – ამის შესახებ თეთრი სახლის პრესსპიკერმა, კეროლაინ ლევიტმა განაცხადა.
ლევიტის თქმით, აშშ-ის პრეზიდენტი დონალდ ტრამპი „წითელ ხაზს“ გაავლებს, თუ რამდენ ხანს მისცემს „ჰამასს“ სამშვიდობო გეგმის მისაღებად.
„პრეზიდენტმა ძალიან ნათლად განაცხადა, რომ ძალიან სწრაფად სურს „ჰამასისგან“ პასუხის მოსმენა. ამ საკითხზე საუბარს პრეზიდენტსა და სახელმწიფო მდივანს მივანდობ. თუმცა, ჩვენ ველით და იმედი გვაქვს, რომ „ჰამასი“ მიიღებს ამ გეგმას. ეს კარგი გეგმაა და, როგორც იცით, მას მთელი მსოფლიოს ლიდერები მიესალმებიან“, – განაცხადა ლევიტმა.
ცნობისთვის, 29 სექტემბერს აშშ-ის პრეზიდენტმა, ისრაელის პრემიერ-მინისტრ ბენიამინ ნეთანიაჰუსთან შეხვედრისას ღაზის სამშვიდობო გეგმა წარადგინა. ტრამპმა აღნიშნა, რომ „ჰამასს“ გეგმის მისაღებად სამ-ოთხ დღეს აძლევს.
