- By Keti Khomeriki
- In პოლიტიკა
კომპანია „სმართმათიქი“ – 2024 წლის საპარლამენტო არჩევნები საქართველოში წარმოადგენს მნიშვნელოვან ეტაპსა და ნახტომს საარჩევნო სისტემის მოდერნიზებაში
საქართველო 2024 წლის საპარლამენტო არჩევნებით ნახტომს აკეთებს თავისი საარჩევნო სისტემის მოდერნიზებაში, – ამ სათაურით აქვეყნებს განცხადებას კომპანია „სმართმათიქი“, რომელიც ელექტრონულ ხმის მიცემის სისტემებს ქმნის.
განცხადების თანახმად, საქართველოს ცენტრალურმა საარჩევნო კომისიამ 2024 წლის საპარლამენტო არჩევნებზე „სმართმათიქის“ ტექნოლოგიებისა და სერვისების გამოყენებით წარმატებით განახორციელა ძირითადი საარჩევნო პროცესების მოდერნიზება.
კომპანიის განცხადებაში აღნიშნულია, რომ „სმართმათიქმა“ საქართველოს ცენტრალურ საარჩევნო კომისიას მიაწოდა 4 876 bScan1800Plus ოპტიკური სკანერი ხელით მონიშნული ბიულეტენების დასამუშავებლად.
განცხადების თანახმად, ეს მოწინავე სკანერები ზუსტად ხედავს ამომრჩეველთა არჩევანს, ითვლის ხმებს და ახდენს შედეგების კონსოლიდაციას.
განცხადებაში ნათქვამია, რომ „სმართმათიქმა“ საქართველოს ცენტრალურ საარჩევნო კომისიას ასევე მიაწოდა 7 508 VIU Desktop ელექტრონული გამოკითხვის წიგნი ამომრჩეველთა ავთენტიფიკაციის გასაადვილებლად, ასევე ციფრული ტაბლეტები შედეგების გადასაცემად.
„ტექნოლოგიის ეფექტურობის დასადასტურებლად, მოწყობილობების 99.87 პროცენტი უნაკლოდ ფუნქციონირებდა – ფართომასშტაბიანი განლაგების სტანდარტს აჭარბებდა და შედეგების 100 პროცენტი ელექტრონულად მიიღეს ორ საათზე ნაკლებ დროში. საერთაშორისო დამკვირვებლებმა აღნიშნეს ტექნოლოგიის საიმედოობა: „საერთო ჯამში, საარჩევნო უბნები კარგად იყო ადმინისტრირებული და კენჭისყრის ახალი ტექნოლოგიის დანერგვა ისე შესრულდა, როგორც დასახული იყო“, – ნათქვამია საერთაშორისო რესპუბლიკური ინსტიტუტის წინასწარი ანგარიშში.
ტექნოლოგიის საიმედოობის უზრუნველსაყოფად, ცესკო-მ ჩართო Pro V&V, დამოუკიდებელი ამერიკული კომპანია, რომელიც სპეციალიზირებულია საარჩევნო ტექნოლოგიების აუდიტსა და სერტიფიცირებაში. წყაროს კოდისა და სისტემების სიღრმისეული მიმოხილვის შემდეგ, აუდიტორებმა დაადასტურეს „სმართმათიქის“ ოპტიკური სკანერების და ამომრჩეველთა საიდენტიფიკაციო ერთეულების სათანადო კონფიგურაცია და ფუნქციონირება.
2024 წლის საპარლამენტო არჩევნები საქართველოში წარმოადგენს მნიშვნელოვან ეტაპს, რადგან ეს არის პირველი არჩევნები, სადაც ტექნოლოგია ხელმისაწვდომი იყო ამომრჩეველთა უმრავლესობისთვის. 2021 წლიდან ცენტრალურმა საარჩევნო კომისიამ ეს ტექნოლოგია დანერგა ხუთ არჩევნებში, საპილოტე პროგრამებით ქალაქებში, როგორიცაა ბათუმი, სენაკი და თბილისი, რათა ამომრჩევლებს და საარჩევნო უბნის მუშაკებს ახალი სისტემების გაცნობაში დაეხმარებოდა“ – აღნიშნულია „სმართმათიქის“ განცხადებაში.
კომპანიის განცხადებაში მოყვანილია ეუთო-ს წინასწარი ანგარიში, სადაც აღნიშნულია, რომ ამ ტექნოლოგიების დანერგვას მხარი დაუჭირა დაინტერესებული მხარეების უმეტესობამ.
„სმართმათიქის“ აღმასრულებელმა დირექტორმა, ანტონიო მუგიკამ შეაქო საქართველოს მიღწევა: „ცენტრალურმა საარჩევნო კომისიამ არაჩვეულებრივი დავალება შეასრულა. საარჩევნო ტექნოლოგიების საუკეთესო პრაქტიკისა და საერთაშორისო სტანდარტების დაცვით, მათ წარმატებით განახორციელეს ქვეყნის მასშტაბით სისტემის პირველი განლაგება. ჩვენთვის პატივია, რომ მხარი დავუჭირეთ საქართველოს ამ მოდერნიზაციის პროცესში“.
