სამხრეთ კავკასიაში სატრანსპორტო კომუნიკაციების განბლოკვა სომხურ-აზერბაიჯანული ურთიერთობების ნორმალიზაციის მთავარი ელემენტია, – ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ აზერბაიჯანულ მედიასთან ინტერვიუში განაცხადა.
რუსეთის საგარეო უწყების პრესსპიკერის თქმით, უკვე გაიმართა სამმხრივი სამუშაო ჯგუფის 12 შეხვედრა, რომლის დროსაც დეტალურად იქნა შესწავლილი სარკინიგზო და საგზაო მარშრუტების პერსპექტიული გეგმა.
ზახაროვას განცხადებით, შეინიშნება პროგრესი აზერბაიჯანსა და სომხეთს შორის სატრანსპორტო კომუნიკაციების განბლოკვის შეთანხმებაში.
„მიღწეული იქნა ერთობლივი გაგება ერასხ-ჯულფა-მეღრი-ჰორადიზის მარშრუტზე სარკინიგზო კომუნიკაციის აღდგენისა და ორგანიზების კონკრეტული ნაბიჯების განხორციელებასთან დაკავშირებით. ჩვენს საქმიანობაში ჩვენ გამოვდივართ ორივე ქვეყნის ორმხრივობის, სუვერენიტეტისა და იურისდიქციის პრინციპების პატივისცემის საჭიროებიდან“, – განაცხადა მარია ზახაროვამ.
ადვოკატ ლევან ჭიღლაძის საჭირო ინოვაცია – ,,ადვოკატის ხმა”
