- By Keti Khomeriki
- In მსოფლიო
მარკ რუტე – ნატო-ს წევრი ქვეყნების მიერ თავდაცვის ხარჯების გაზრდის დაპირება დონალდ ტრამპის საგარეო პოლიტიკის ყველაზე დიდი წარმატებაა
ნატო-ს წევრი ქვეყნების მიერ თავდაცვის ხარჯების გაზრდის დაპირება დონალდ ტრამპის საგარეო პოლიტიკის ყველაზე დიდი წარმატებაა, – ამის შესახებ ნატო-ს გენერალურმა მდივანმა, მარკ რუტემ განაცხადა.
„ბიბისისთან“ ინტერვიუში მარკ რუტემ აღნიშნა, რომ დონალდ ტრამპის წყალობით ნატო უფრო ძლიერია, ვიდრე ოდესმე ყოფილა. მისივე თქმით, ტრამპი „კარგი ამბავია კოლექტიური თავდაცვისთვის, ნატო-სა და უკრაინისთვის“.
ამასთან, რუტემ შეაქო ტრამპის ძალისხმევა უკრაინაში ომის დასრულების კუთხით.
„რუსეთი დაინახავს, რომ უსაფრთხოების გარანტიების არსებობის შემთხვევაში, მან აღარასდროს უნდა სცადოს უკრაინაზე თავდასხმა, რადგან ჩვენი რეაქცია დამანგრეველი იქნება და სწორედ ამაზე ვსაუბრობთ ახლა“, – განაცხადა მარკ რუტემ.
